2025·05·20
Euskaraldiaren amaiera festa maiatzaren 24an
Maiatzaren 24an, larunbata, Euskaraldiaren amaiera festa ospatuko da. Hauek izango dira ekitaldiak: TREBA nerabeak (11:00-13:00). 12-16 urte bitarteko gazteentzat tailerra, "zer izan nahiko nuke etorkizunean?" galderaren bueltan. Gune Irekia (10:00-14:00). “Zergatik bizi Ikaztegietan?” Saio irekia Geuretik Sortuak proiektuaren baitan etorri den sortzailearekin. Bertso Paella (14:00etatik aurrera). Paella valentziarra euskal produktuekin. Tiketak (20€) Ostatun.
2025·05·16
Euskaraldia Ikaztegietan: hurrengo ekitaldiak
Euskaraldiko hurrengo ekitaldiak: MAIATZAK 22, OSTEGUNA, 18:30, HITZALDIA “Euskara eta kulturartekotasuna Ikaztegietako eskola komunitatean”. Ikasturte honetan eta UEMArekin elkarlanean, proiektu berri batean murgildu da herriko eskola, euskaraz bizitzea helburu duena. Eskolatik aterata, proiektuaren berri emango zaie herritarrei. Hizlaria: Eneritz Maiz. Erabilera anitzeko aretoan. MAIATZAK 23, OSTIRALA, 10:30, UMEEN KONTSEILUA Herri eskolako 5. eta 6. mailako ikasleek herriaren inguruko ikuspuntuak eta proposamenak alkatearekin partekatzeko saioa. Dinamizatzailea: Peru Calabaza. Batzar aretoan.
2025·05·16
Ikaztegietan jatorri ezberdinetako pertsonak bizi gara, baina ezagutzen al dugu elkar? Bizilagunak proiektua bertakoak eta bertara iritsiak bazkari baten baitan elkartzeko ekimena da. Dinamizatzaile baten laguntzaz, aurreiritziak eta estereotipoak gainditzea eta gizarte kohesionatuagoa sustatzea da helburua.
2025·05·12
Gazteentzat tailerra maiatzaren 24an
12-16 urte bitarteko gazteentzat tailerra izango dugu Ikaztegietako liburutegian, maiatzaren 24an. "Zer izan nahiko nuke etorkizunean?" galderaren bueltan arituko dira kontutan, Powering Education taldeko trebatzaileekin. Tailerra doakoa da, baina izena eman behar da. Animatu eta zatoz!
2025·05·12
Maiatzaren 15 eta 20ko ekitaldiak: MAIATZAK 15, OSTEGUNA, 18:30, IRAKURLE TALDE FEMINISTA Landuko den liburua: Karmele Mitxelenaren Zoriona edo horrelako zerbait. Dinamizatzailea: Oihana Iguaran. Liburutegian. MAIATZAK 20, ASTEARTEA, 18:30, “ZER BEHAR DU EUSKARAK IKAZTEGIETAN DATOZEN HAMAR URTEETAN?” Datozen 10 urteetarako herri mailako euskara plana egin beharko bazenu, zer eskatuko zenuke hartzeko kontuan? Dinamizatzailea: Eneritz Maiz. Erabilera anitzeko aretoan.
2024·11·28
Urriaren 1eko 39/2015 Legearen 133.1. artikuluan xedatu denaren arabera, IGOGAILUAK ETA KOMUNIKAZIO BERTIKALEKO BESTE ELEMENTU BATZUK INSTALATZEKO DIRULAGUNTZAK EMATEKO arautzen duen UDAL ORDENANTZAren galdeketa publikora bideratzen dugu gure web-atariaren bidez, bertan jasotzeko Ordenantzak zein norbanakorengan eta erakunde adierazgarritan eragina izan dezakeen eta norbanako nahiz erakunde adierazgarri horien iritzia, Azaroaren 29tik abenduaren 15era.
INFORMAZIO OSOA:
 |
 |
 |
 |
 |
 |
 |