Eduki publikatzailea

Atzealdea Eskaintza soziokulturala

Azken urteetako bidea jarraituz, udalak datorren ikasturterako ikastaroak antolatu ditu. Ikastaro guztietarako izena udaletxean bertan edota 943 65 33 29 telefono zenbakira deituta eman beharko da irailaren 2tik 20ra bitartean.

2024·09·02


EUSKARA IKASTAROAK

Udalak, AEK-rekin elkarlanean, euskara ikasteko ikastaroak antolatu ditu, urtero bezala. Ikaztegietan bertan edo Alegian izan daitezke eskolak, osatzen den taldearen arabera.

TARIFA: %100era bitarteko diru-laguntzak egongo dira, ikasi nahi den mailaren arabera. Ikasleak matrikula egiterakoan egin beharko du ordainketa, eta ikasturte amaieran itzuliko zaio dagokion kopurua, beti ere, asistentzia betetzen bada eta ikastaroa ondo baliatzen bada. Babesgabetasun edo zaurgarritasun egoeran dauden herritarren kasuan udalak aurreratu dezake matrikularen ordainketa osoa.

HIRUHILABETEKO IKASTAROAK

Herritarrek egindako proposamenei erantzunez, hiru hilabete inguru iraungo duten ikastaroak antolatu ditugu ikasturte honetarako, eta beste horrenbeste gelditu zaizkigu hurrengo ikasturtean antolatzeko. Aurtengoan, hauek izango ditugu:

  1. Urritik abendura: josteko ikastaroa. Taldearen mailaren arabera egokituko da ikastaroa. Gabonetako jantzietako aurreko gona egiten ikastea, amantala egiten ikastea, arropa birziklatzen ikastea… Horiek izango dira ikastaroaren helburuak. Norberak ekarri beharko du oinarrizko materiala.

EGUNA ETA ORDUTEGIA

Urritik abendura. Ostiraletan, 17:00etatik 19:00etara

TARIFA: 25€  hilabetea

  1. Urtarriletik aurrera: Oinarrizko elektrizitate, iturgintza, mekanika… ikastaroa. Epea gerturatu ahala informazio gehiago emango dugu, eta izena orduan eman beharko da.
  2. Udaberrian: Sendabelarrak biltzeko ibilaldia eta sendabelarren ikastaroa. Epea gerturatu ahala informazio gehiago emango dugu, eta izena orduan eman beharko da.