09·12·2024
KZ Guneko bisita eguna abenduan
Abenduaren 16an etorriko da KZ Guneko arduraduna 9:00etatik 10:45etara. Hitzordua eskatu behar da www.kzgunea.eus/aldez-aurreko-hitzordua web orrian edo 945062555 telefonora deituz.
05·12·2024
Abenduak 13: Laura Penagosi elkarrizketa
Ikaztegietako Udala herriarentzat estrategikoa den proiektu bat garatzen aritu da 2024 honetan zehar: herriko emakumeekin batera eta Emagin elkartearen dinamizazioarekin, hainbat saio egin dira, bertan jaiotako eta jatorri atzerritarra duten emakume ikaztegietarrekin elkar ezagutzeko hainbat saio eginez, euskara eta kulturartekotasuna ardatz. Proiektuari bukaera emango diogu abenduaren 13an, elkarrizketa ireki batekin. Galtzaundi Tolosaldeko euskara elkarteko kideek Laura Penagos antzezlea eta hezitzailea elkarrizketatuko dute. Gonbidatuta zaude!
03·12·2024
Azken urteetako ohitura jarraituz, Errigorakolau saski zozketatuko ditugu aurten ere herritar guztien artean. Horretarako, hemen daukazue zozketarako zenbakia daraman egutegia. Argazki lehiaketa irabazlearena da egutegiko argazkia. Lehiaketara aurkeztu diren argazki guztiak Ostatuko paretetan dituzue ikusgai. Ez da erabaki erraza izan: eskerrik asko parte-hartzaile guztiei! Zozketa abenduaren 20an egingo da, 10:30ean. Zortzi zenbaki aterako dira: lau saridun eta lau ordezko. Zenbaki sarituek 15 eguneko epea izango dute saria jasotzeko, epe hori pasata saridunik agertzen ez bada, ordezko zenbakiarentzat izango da saria.Zenbaki sarituak udaleko webgunean, Telegramen, udaletxeko atean eta Tolosaldeko Atarian argitaratuko dira. Zorte on! UDAL KORPORAZIOAREN IZENEAN, 2025 ZORIONTSUA OPA DIZUEGU
03·12·2024
Gaur Euskararen Nazioarteko Eguna da, eta aitzakia horretan asko dira egun hauetan bidali dizkizuegun oharrak. Hona guztiak: 1. Ikaztegietako Udalaren adierazpena: "Erantzukizuna eta konpromisoa, olatu berria sortzeko" 2. Atariaren kanpaina. Gaur, abenduaren 3an, Atarikide egiten diren lehen 10ek Eceizako gabonetako sorta jasoko dute opari. 3. Gogoratu taloak, dantza, euskaraokea eta txokolatada izango ditugula herrian, GAUR!! 4. Euskarak egun bat ez, 365 behar ditu. Eta hizkuntza bakarrik ez, kultura ere behar du. Durangoko liburu eta disko azokara joateko autobusa antolatu du Galtzaundik ostegun honetarako: 10:25etan atera, 20:00etan bueltan. Ostatun apuntatu zaitezkete. ⚠️ BIHAR BUKATZEN DA IZENA EMATEKO EPEA! ⚠️
Azaroaren 29tik abenduaren 15era. 28·11·2024
Igogailuak eta komunikazio bertikaleko beste elementu batzuk instalatzeko dirulaguntzak emateko udal araudiaren galdeketa publikoa
26·11·2024
Euskararen Nazioarteko Eguna, ostiralean Ostatuan.
Euskararen Nazioarteko Eguna ospatzeko egingo diren ekitaldien artean, "Hitzen bila" jolasa egingo da Ikaztegietan, hizkuntzarekin jolasteko aukera izango dugularik. Azaroaren 29an, ostiral honetan bertan, euskararen eguna jolastuz ospatuko dugu. Zatoz Ostatura 19:00etarako!
18·11·2024
Azaroak 25: emakumearen aurkako indarkeriaren kontrako nazioarteko eguna.
Emakumeen aurkako indarkeriaz jabetzeko eta salatzeko elkartuko gara, aldarrikapen bat daraman mural kolektibo bat egiteko. 16:00etatik 18:00etara erabilera anitzeko aretoan.
18·11·2024
"Ring" antzerkia azaroaren 22an
Azaroak 22, ostirala: Antzerkia 19:00etan. RING umorezko antzezlana izango dugu herrian. Erabilera anitzeko gelan.
12·11·2024
Azaroan hezitzailea egun hauetan etorriko da: Egunak: 2024/11/18tik 2024/11/28ra Ordua: 16:00 - 20:00 Ikastaro hau emango da: "Google Aplikazioak zure Smartphonean" Ikastaroaren iraupena 18 ordukoa izango da. Egun horietan etortzeko, ondorengo helbide elektronikora idatzi: tutor.ikaztegieta@kzgunea.net edo, jarraian dagoen telefono zenbakira deitu dezakezue: 945 062 555
11·11·2024
"Goazen" telesailaren 11. denboraldiko lehen kapituluaren aurrestreinaldia
"Goazen" telesailaren 11. denboraldiko lehen kapituluaren aurrestreinaldia izango da azaroaren 17an. Ordua eta lekua: 17:30etan erabilera anitzeko aretoan. Sarrera librea da eta ez da izenik eman behar.
11·11·2024
Urtero bezala, aurten ere azaroan herri krosa izango dugu. Azaroaren 16an, larunbata, ospatuko da. 16:00etan izango da umeen krosa eta 16:30etan, helduena. Izen-ematea herrikrosa.eus webgunean egin behar da edo, egunean bertan, kiroldegian, 15:30etatik aurrera.
11·11·2024
Batzar irekia azaroaren 13an: zabor bilketa tasa
Urriaren 24ko ez-ohiko udalbatzan hartutako erabaki baten berri emateko deitzen zaituztegu batzar irekira. Aipatu udalbatzan ordenantza fiskalak onartu ziren. Zergen eta tasen ohiko eguneraketa onartu zen bertan, baina kontuan hartzekoa da aldaketa esanguratsu bat: zabor bilketaren tasaren igoera. Europako araudiak behartuta, apirilaren 8ko 7/2022 legea aplikatu beharrean gaude herri guztiak, estatutik datorrena eta datorren urtean jarriko dena indarrean.