Udal eraikinen garbiketa zerbitzua burutzeko gonbidapena
11·01·2019
Udal eraikuntzen garbiketa zerbitzuaren epe muga iristear dela eta (2019ko urtarrilak 31), aukera eskaini nahi dizuegu Ikaztegietako udaletxeak dituen eraikin ezberdinetan garbiketa zerbitzua emateko, besteak beste, kiroldegian, balio anitzeko gelan, herri eskolan, herriko komunetan eta haurtzaindegian.
Kontratuaren ezaugarriak ondorengoak izango dira:
- Interesatuak Lizitatu ahal izateko Eusko Jaurlaritzako Lizitatzaile eta Kontratisten Erregistroan alta eman beharko du. http://www.contratacion.euskadi.eus
945016298
- Lizitazioa elektronikoa izango da. Horrek esan nahi du IZENPEko txartela, B@kQ txartela, NAN elektronikoa edo bestelako sinadura elektronikorako ziurtagiriak beharko direla lizitatu ahal izateko.
- Interesatua gizarte segurantzan autonomo gisa alta eman beharko da.
- Interesatua Jarduera Ekonomikoen gaineko Zergan eta BEZan ere alta eman beharko da.
- Garbiketa produktuak garbitzailearen esku (papera eta eskuetarako xaboia ezik).
- 18 urtetik goragoko adina izan behar du.
- Euskaraz komunikatzeko gaitasuna izan beharko du.
- Urtean 1. 100 bat lanorduko estimazioa.