20·10·2020
Gaurtik aurrera, udal eraikinen erabilera malgutzen hasiko gara, eta garbitasun eta higiene neurriak bete daitezen beharrezko materiala jarri dugu.
PLAZAKO KOMUN PUBLIKOAK
Hemendik aurrera irekita egongo dira une oro, egunero egingo zaie garbiketa eta erabiltzaileen segurtasunerako xaboia eta eskuak lehortzeko papera jarri ditugu.
LIBURUTEGIA
Horretarako eskaera eginda duten ikasleek erabilera librea izango dute betiko ordutegia errespetatuz. Liburutegian markatutako lekuan eseri beharko da, musukoa erabiltzea derrigorrezkoa izango da eta sartu aurretik gel hidroalkoholikoarekin eskuak garbitu eta bertan dagoen desinfektantearekin bakoitzak erabili duen material eta eremua garbitu beharko ditu.
ERABILERA ANITZEKO GELA
Erabiltzaileen eskura jarri dira sarreran gel hidroalkoholikoa eta erabilitako materiala desinfektatzeko gaiak.
KIROLDEGIA
Sarreran gel hidroalkoholikoa jarri da eta frontoiaren erabilera librea izango da. Eskola orduetan eskolak izango du lehentasuna eta arratsaldetan, 16:00etatik 18:30etara frontoiaren erabileran lehentasuna herriko umeek izango dute. Ondoren erreserbatutako orduak errespetatu beharko dira eta erreserbatu gabeko orduetan erabilera librea izango da.
Komunak erabilgarri egongo dira, garbiketa areagotuko da eta xaboia eta eskuak lehortzeko papera jarri dira.
Gimnasioaren sarreran gel hidroalkoholikoa jarri da eta bakoitzak erabilitako materiala desinfektatzeko beharrezkoa ere bai. Aforoak mugatuta jarraituko du, 3 erabiltzaile, baina ez da ordua erreserbatu beharrik izango.
Aforoak soilik antolatutako ekintzetan izango du malgutasuna.
Dutxa eta aldagela itxita jarraituko dute eta ez dira erabilgarri izango.
GOGORATU BIRUSAK GUREKIN JARRAITZEN DUELA ETA DENON ESKU DAGOELA PIXKANAKA GURE BETIKORA ITZULTZEA. ZAINDU ZAITEZTE ETA ZAINDU INGURUKOAK