Ayuntamiento de
IKAZTEGIETA

Hona hemen aurtengo eskaintza:

PILATES

Pilates Metodoa  gorputza eta burua batera garatzeko  jarduera fisiko mota bat da. Giharrak indartzearekin batera, luzatu, gorputz-jarrera hobetu, malgutasuna irabazi eta oreka ematen ditu. Edozein adin eta osasun egoera dutenentzat baliagarria da eta jarduera fisikoaren arloan metodo osasuntsuena bezala ezagutzen da.

Segurtasun eta higiene neurriak errespetatze aldera, 8 lagun baino gehiagok ematen badute izena, bi talde egingo ditugu.

AEROBIC

Dantzako pausoak erabiliz, erresistentzia kardiobaskularra lantzeko, giharrak indartzeko eta malgutasuna hobetzeko baliagarria den jarduera dibertigarria. Jarduera fisikoa modu atsegin eta erraz batean egiteko aukera ezin hobea.

KORRIKA TALDEAN

Korrika egiten hasi nahi al duzu? Aspaldian utzi zenion korri egiteari eta berriro hasi nahi al duzu?  Hauxe da zure aukera! Jakin badakigu taldean askoz ere errazagoa dela errutina osasuntsuak mantentzea. Horretarako, lehia alde batera utziz, astean bi entrenamendu saio eder prestatuko ditugu: beroketak, zenbait ariketa espezifiko, korrika saio bat eta luzaketak.

*OHARRAK: - Ekintza gauzatu ahal izateko gutxienez 6 parte hartzailek eman beharko dute izena.

- Matrikula orria betetzean ikasturte osorako (ekainerarte) konpromezua hartuko da. Baja ematea soilik gaixotasun edo pisuzko arrazoiengatik onartuko da.

Ekintzetan apuntatu ahal izateko udaletxean aurkituko duzuen matrikula orria bete beharko da urriaren 16a, ostirala, baino lehenago.

Animatu parte hartzera eta astindu zuen gorputza!