Bizikletak garbitzeko eta mantentzeko gune berria erabilgarri dago kiroldegi inguruan.
14·03·2022
Bizikletak garbitzeko eta mantentzeko gune berria erabilgarri dago kiroldegi inguruan.
Espazio berri honetan bizikletak heltzeko bi euskarri (fabrikatzaileak atzeko gurpila sartzea gomendatzen du estabilidade gehiago izan dezan bizikletak) eta presio handiko bi mangeraz gain, bizikletak konpontzeko bestelako erremintak edo tresnak ere egongo dira erabiltzaileen eskura. Hala nola, bihurginak, torx giltzen sorta, allen giltzen sorta, giltza finkoa, giltza zabalgarria, desmuntagarriak eta puzgailua, besteak beste.
Erabiltzaile eta herritarroi dagokigu gunea ondo zaintzea, beraz, erabili ondoren eremua garbi utzi, ura ondo itxi eta material guztia behar bezela jasota uztea eskatzen da.