06·05·2026
Irakurle tade feminista: maiatzak 11
Irakurle talde feministaren hurrengo saioa datorren astean izango da: maiatzaren 11n, 18:30etan, liburutegian. Landuko den liburua: Itziar Ugarteren Gu gabe ere. Idazlea bera ere etorriko da kurtsoko azken saio honetara.
06·05·2026
"Kolapsoa" antzerkia, egun aldaketa.
Maiatzaren 15erako aurreikusita zegoen “Kolapsoa” antzerkiaren emanaldia bertan behera geratu da soinu eta teknikarien greba dela eta. Urriaren 9rako birprogramatu da. Data gerturatu ahala gogoraraziko da.
04·05·2026
Ikaztegietako herri langileen bi plazen oposizioan izena emateko epea ireki da. Martxoaren 31ko udalbatzan onartu zen deialdia, eta apirilaren 1ean bidali zen Gipuzkoako Aldizkari Ofizialera. Estatuko aldizkari ofizialean maiatzaren 2an publikatu da. Maiatzaren 4tik aurrera 20 eguneko epea dago eskaintzak udalean aurkezteko. Gauzak horrela, maiatzaren 4tik maiatzaren 29ra aurkeztu ahal izango dira eskaintzak udalean.
30·04·2026
Maiatzak 8-15: Geuretik Sortuak erakusketa
"Geuretik Sortuak" proiektuaren baitan, maiatzaren 8tik 15era bitarte egongo da ikusgai erakusketa ibiltari bat Ikaztegietan. 2025. urtean zehar, Euskal Herri osoaren luze-zabalean 30 lan sortu dira proiektu honen baitan. Hain zuzen ere, zortzi antzezlanek, hamaika ipuinek, zazpi komikik eta lau film laburrek osatzen dute aurtengo edizioak emandako uzta, eta erakusketa honetan bildu nahi izan ditugu zazpi lurraldeetako 46 herritan garatu diren sormen-prozesuak eta bertatik eratorritako lanak. Aurrerago zehaztuko da erakusketa noiz eta non ikusi ahalko den. Egon adi!
23·04·2026
Herri langileen oposizio leihaketa
Ikaztegietako zerbitzu anitzeko langileen bi plazen oposizio lehiaketaren oinarriak argitaratu dira. Ikaztegietako Udalaren webgunean kontsulta daitezke. Azterketa teorikoa eta praktikoa izango dira, bakoitza egun batean. Euskara egiaztagirik ez duenak, euskararen gaitasun maila ziurtatzeko azterketa ere egin beharko du. Azterketaren gaitegia oinarrietan kontsulta daiteke, Ikaztegietako Udalaren webgunean.
24·09·2025
Urriaren 1eko 39/2015 Legearen 133.1. artikuluan xedatu denaren arabera, BAZTERTZEKO ARRISKUAN DAUDEN IKAZTEGIETAKO PERTSONENTZAKO TUTORETZAPEKO ETXEBIZITZAK arautzen dituen UDAL ORDENANTZAren galdeketa publikora bideratzen dugu gure web-atariaren bidez, bertan jasotzeko Ordenantzak zein norbanakorengan eta erakunde adierazgarritan eragina izan dezakeen eta norbanako nahiz erakunde adierazgarri horien iritzia, Irailaren 25etik urriaren14ra.
INFORMAZIO OSOA:
- Ekimenarekin konpondu nahi diren arazoak
|
|
|
|
|
|
|
|
