Berriak

2018·06·19

Pasa den urtean bezala, aurtengoan ere Ikaztegietako Gazte Taldetik dantza ikastaroa antolatzeko asmoa dago, oinarrizko dantzak ikasi eta primeran pasatzeko. Bi deialdi egingo dira: 1. Uztailaren 2tik 27ra: zerotik hasi nahi duzuenontzat. 2. Uztailaren 16tik 27ra: gutxieneko ezagutza bat duzuenontzat. Uztaileko astelehen eta asteazkenetan bilduko gara 19:30etatik 21:00etara, kiroldegiko gimnasioan.

2018·06·14

Furgobaratza Ikaztegietan

Ikaztegietako baratze parkean izango da ekainaren 28an, 18:00etatik 19:30etara. TAILERRA: Nola egin aurre gaixotasun eta izurritei?

2018·06·08

San Juan bezpera

Aurten ere San Joanak datoztelarik, udalak mahaiak eta edaria jarriko ditu (ardoa,sagardoa eta ura),janaria norberaren kontu. Afaria 21:00etan eta sua 22:30etan. Suaren inguruan dantzatzera gonbidatzen zaituztegu.Bertan ikusiko garelakoan.

2018·05·31

Ikaztegieta martxan jartzeko boluntarioak

Ikaztegietako Udalak herritarrei zuzenduriko eskaintza handitu nahian, ekimen berri bat jarri nahi du martxan, hirugarren adineko biztanleei zuzendua izango dena batez ere. Ekimen honek jarduera eta ohitura osasuntsuak bultzatzea izango du helburutzat eta astean behin herri ingurunean prestatuko diren ibilbideetan barrena ibilaldiak egingo dira. Ekimen hau martxan jartzeko ordea, boluntarioak behar ditu Udalak, antolakuntzan lagundu ahal izateko. Hori dela eta boluntario bezala laguntzeko prest dagoen edozein herritarri bilera deialdia luzatzen diogu, ekainaren 6an arratsaldeko 18:00etan Udaletxean. Animatu parte hartzera eta lagundu ikaztegietar gehiago martxan jartzen.

2018·05·16

Egun batez aktore izan nahi?

Herriko festetan herritarrek eginiko antzerkia berreskuratu nahi da. Baina, noski, horretarako aktoreak behar dira. Ez da zertan profesionala izan behar. Antzerkia gustuko izatearekin nahikoa da. Entsegu egun batzuk, eta sanlorentzotan herrian izatea beharrezkoa izango dira. Antzeslanean parte hartu nahi baduzu, eman izena Udaletxean maiatzaren 28a, astelehena, baino lehen. Hurrengo festetako bilera, berriz, ekainaren 1ean izango da, 18:30etan.