2017·11·30
ARGI IBILI: Energia aurrezteko kanpaina
Tolosaldea Garatzenek, Tolosako Telleria anaiek protagonista hartuta, energiaren inguruko kontzientziazio kanpaina bat egin du eta hiru bideoen bitartez, aholkuak eman ditu zer egin eta zer ez egin azalduz gure eguneroko bizitzan energia aurrezteko.
2017·11·28
Administrari laguntzaile baten lan postu deialdia Tolomendin
Interesatuek kurrikulumak Tolomendira bidali beharko dituzte (tolomendi@tolomendi.eus) abenduaren 15a baino lehen.
2017·11·09
Erretirodunen eguna, azaroaren 19an
11:15. Meza nagusia. 12:00. Alegiako Txintxarri Txiki eta Txintxarri abesbatzek emanaldia eskainiko dute, elizan. 14:00. Erretirodunen bazkaria, Ostatun. Bazkarira joan nahi duenak izena eman beharko du azaroaren 15a baino lehen udaletxean. Bakoitzak 5 euro ordaindu beharko du.
2017·11·09
Ikaztegietako Udalak eta guraso elkarteak elkarlanean, hilean behin ipuin kontalariaren saioak antolatuko ditu ekaina bitartean. Lehena, azaroaren 15ean izango da. 17:15. 0-3 urte bitarteko haurrentzat izango da ipuin kontaketa saioa, liburutegian. 17:45. 3 urtetik gorakoentzat egingo du ipuin kontaketa, liburutegian. Hurrengo saioa, abenduaren 6an izango da. Eta ekaina bitarteko saioak hileko lehen asteazkenetan izango dira.
2017·09·04
Zabor-bilketa erreziboak (2017ko 2. seihilabetea)
2017ko 2. seihilabeteko zabor-bilketa erroldari dagozkion erreziboak ordaintzeko epea ireki da. Ordaintzeko azken eguna urriaren 6a da. Aipatutako epea amaitzean, premiamenduzko prozedura exekutiboari ekingo zaio, ordaindu gabeko kuotak eta banketxeak itzulitakoak dagokion errekarguarekin, eta berandutze interesak eta kostuak kobratuko direlarik.