Eduki publikatzailea

Osasun material bilketa herrian

2020·09·03

Osasun material bilketa herrian

Saharako Gazteria Aktiboa Saharako errefuxiatuen kanpamenduetako egoeraz kezkatuta dagoen talde bat da, eta Ikaztegietan osasun material bilketa bat egiteko prest agertu dira.Maskarillak edo musukoak, gel hidroalkoholikoa, eskularruak eta Parazetamolabilduko dituzte. Bilketa herriko plazan izango da, eta bi egunetan egingo dute: irailaren 7an (astelehena) 17:00etatik 19:00etara, eta irailaren 12an (larunbata) 10:00etatik 12:00etara. Bilketaegunetan, beste edozein egunetan bezala, musukoa jantzita eramatea eta segurtasunezko distantzia errespetatzea derrigorrezkoa izango da. Edozein zalantzaren aurrean idatzi e-mail honetara: juventudactiva.free.sh@gmail.com edo deitu telefono zenbaki honetara: 631 136 515. Ekarpen oro, txikia bada ere, ongi etorria izango da. Animatu eta jarri zure aletxoa!

Zabor-bilketa erreziboak (2020ko 2. seihilabetea)

2020·09·02

Zabor-bilketa erreziboak (2020ko 2. seihilabetea)

2020ko 2. seihilabeteko zabor-bilketa erroldari dagozkion erreziboak ordaintzeko epea ireki da. Ordaintzeko azken eguna urriaren 9a da. Aipatutako epea amaitzean, premiamenduzko prozedura exekutiboari ekingo zaio, ordaindu gabeko kuotak eta banketxeak itzulitakoak dagokion errekarguarekin, eta berandutze interesak eta kostuak kobratuko direlarik

San Lorentzo jaiei buruzko oharra

2020·07·21

San Lorentzo jaiei buruzko oharra

Jakina den moduan koronabirusaren gaitzak mundua aldrebestu du, eta baita gure egunerokoa ere. Ikaztegietako Festa Batzordetik festak ez egitea erabaki dela jakinarazi nahi dizuegu. Ez da festa egiteko baldintzarik betetzen, eta azken egunetan, berriz ere, atzera egin dugula ikusita, onena, ezer ez antolatzea dela erabaki dugu. Ez da festarik izango herrian, baina herritar guztioi gogorarazi nahi dizuegu tentuz jokatzeko. Ez antolatu festa alternatiborik mesedez. Eta ekidin jende pilaketak transmisio komunitarioak prebenitzeko. Maskara erabili, eskuak maiz garbitu eta distantziak mantenduz, zaindu zeuen buruak eta ingurukoenak.

Tolosaldean Karabana Solidarioa

2020·07·20

Tolosaldean Karabana Solidarioa

Uztailaren 23an bilketa izango da Ikaztegietan, arratsaldeko 17:00etatik 20:00etara. Jasoko diren produktuak: maskarilak, hidrogelak eta eskularruak, haur eta helduentzat pardelak, ikas-materiala.

Furgobaratza Ikaztegietako baratza parkean

2020·07·10

Furgobaratza Ikaztegietako baratza parkean

Uztailaren 15ean izango da, arratsaldeko 18:00etatik 19:30etara, ureztapenaren inguruko aholkuak emateko.

Uztailaren 12rako bolondresak

2020·07·02

Uztailaren 12rako bolondresak

Uztailaren 12an Eusko Legebiltzarreko hauteskundeak izango dira. Covid-19a dela eta, bozka lekuko sarrera eta irteera kontrolatu behar dugu. Horretarako herriko pertsonal profesional desberdinak (udaltzaingo, babes zibil, suhiltzaile,…) erabiltzeko aukera dugu edo gure kasuan, horrelakorik ez dugunez, herritarrekin egiteko aukera daukagu. Gastu horiek babesteko 300€ emango dizkiote udalari. Hau horrela uztailaren 12rako , 3 herritar beharko ditugu bozka lekua irekita dagoen bitartean, sarrera irteera kontrolatu eta bozkalekura sartu aurretik babes neurrien gogorarazpenak egiteko. 3 txanda egingo dira 8:45-12:30 12:30-16:15 16:15-20:00 Interesa duenak udaletxean eman beharko du izena uztailaren 7, asteartea, 14:00ak bitarte. 18urte beteak izan beharko dira eta euskaraz komunikatzeko gaitasuna izatea beharrezkoa da. Lehentasuna izango dute langabetu eta ikasleek. Txanda bakoitzeko zaintza lanak egitea egokitzen zaionak 100€ko ordainsaria izango du. Zozketa bidez aukeratuko dira txanda bakoitzeko herritarrak eta zozketan ateratzen diren ordenaren arabera etorri beharko dute. Ordezko zenbakiak ere aterako dira egokitu zaionen batek azken momentuan etortzeko arazorik izango balu, postu hori beteta geratu dadin. Txanda egokitzen zaionari, uztailaren 8an egunean zehar jakinaraziko zaio.

Abiadura motelean ibiltzeko eskaera

2020·07·02

Abiadura motelean ibiltzeko eskaera

Azkenaldian Aiutu eta Loperdi ingurua batzen duen bidean ibilgailuak abiadura handian ibiltzen direla kexa jaso dugu. Eremu hori, oinezko zein ibilgailuek elkarbanatu behar dutela kontutan izanik, errespetuz eta abiadura mantsoan ibiltzea eskatzen zaizue.

Lorategietako hondakinentzat eremu beria

2020·07·02

Lorategietako hondakinentzat eremu beria

Herriko berdeguneetatik mozten ditugun adaxka, belar eta adarrentzat leku berria egokitu dugu kiroldegiaren ondoan. Eremu hau, kiroldegiko aldapa jaitsi bezain pronto eskubialdean dagoen belardi txikian dago kokatuta. Gainerako herritarrek ere, zuen lorategi edo belardi partikularretan moztutakoak kokapen berri honetara eraman beharko dituzue. Bestalde aipatu, eremu pribatuetan moztutakoa herriko puntu publiko desberdinetan uzteko ohitura duzuenak, beste herritar guztiek moduan, eremu berri honetara eraman beharko dituzuela.

Bertako produktuak herrian jasotzen jarraitzeko aukera

2020·07·02

Bertako produktuak herrian jasotzen jarraitzeko aukera

Covid-19arengatik izandako konfinamendu garaiean, Orendaingo Larreta esnekiak eta Zizurkilgo Aranburu oilategiko arrautza eta sagar zukua zuzenean jasotzeko aukera izan dugu herrian. Hasera batean, zerbitzu hau konfinamenduak irauten zuen bitartean eskaintzea zen asmoa, baina izan duen erantzuna ikusita eta pixkanaka egoera lehengora itzultzen doan heinean, produktu hauek herrian jasotzen jarraitzeko aukera aztertzen gabiltza, baina horretarako, garrantzitsua da herritarren ikuspuntua eta interesa ezagutzea. Gai honen inguruan azalpenak eman eta zuen iritzia jasotzeko bilera informatibo bat egingo dugu uztailaren 9an, osteguna, 19:00etan erabilera anitzeko gelan. Babes neurriak eta distantziak mantentzen saiatuko gara baina betetzeko zailtasunak baleude ere maskarila ekartzea komeni da.

COVID-19aren ondorioz 12 urte bitarteko haurren zaintzarako laguntzak

2020·06·12

COVID-19aren ondorioz 12 urte bitarteko haurren zaintzarako laguntzak

Covid-19aren ondorioz, hezkuntza zentroen itxierak, O-12 urte bitarteko haurren zaintzarako eragozpenak arintzeko laguntzak abian jarriko ditu udalak. Bi lerro izango ditu laguntzak, batetik Covid-19 aren ondorioz 12 urte bitarteko haurren zaintzarako egin diren kontratazioak diruz lagunduko dira eta bestetik adingabeen zaintzarako soldatarik gabeko baimen eskaerak sortutako kalteak konpentsatuko dira. Informazio gehiago nahi duenak udaleko web orrian edo udalean bertan eska dezake.

Ludoteka zerbitzua bertan behera

2020·06·12

Ludoteka zerbitzua bertan behera

Udalak urtero antolatzen duen udarako ludoteka zerbitzua aurrera eraman edo ez lantzen eman dugu azken epealdia. Covid-19 a dela eta sorturiko egoerak ez du bermerik ematen, behar diren neurriak hartuz, udalekuak antolatzeko, beraz, Ikaztegietako udalak udalekuen antolaketa lanak bertan behera uztea erabaki du. Guztion eta bereziki gure umeen osasunaren alde, erabaki zentzudunena udarako ludoteka ez antolatzea dela uste dugu. Ez da gustuz hartutako erabakia, baina une honetan zentzuz eta arduraz jokatzea da garrantzitsuena.

San Joan surik ez da izango

2020·06·12

San Joan surik ez da izango

Bizi dugun osasun krisia dela eta, urtero plazan egiten den San Joan bezperako sua ez egitea erabaki du Kultura batzordeak. Kostata hartutako erabakia izan da, baina zentzuz eta arduraz jokatzea dagokigu guztioi. Herritar ugari elkartu ohi da plazan afaldu eta gau majikoaz gozatzeko. Festa giroan, herritarren arteko distantziak mantendu ahal izatea zaila izango delakoan gaude, eta egokiago ikusi dugu aurten bertan behera uztea. Guztion osasuna lehenesten dugu. Aurten ez, baina hurrengo urtean guztion artean hobeto ospatuko dugu! San Lorentzo jaien prestaketa momentuz geldirik dago. Aurten ez dira ohiko festak ospatuko, baina aurrerago emango da horren berri.