Eduki publikatzailea

Eragin Linguistikoaren Ebaluazioa arautuko duen Udal Ordenantzaren galdeketa publikoa

2023·01·26

Eragin Linguistikoaren Ebaluazioa arautuko duen Udal Ordenantzaren galdeketa publikoa

Urriaren 1eko 39/2015 Legearen 133.1. artikuluan xedatu denaren arabera ERAGIN LINGUISTIKOAREN EBALUAZIOA arautzen duen UDAL ORDENANTZAren galdeketa publikora bideratzen dugu gure web-atariaren bidez, bertan jasotzeko Ordenantzak zein norbanakorengan eta erakunde adierazgarritan eragina izan dezakeen eta norbanako nahiz erakunde adierazgarri horien iritzia, Otsailaren 1etik otsailaren 28ra.

Ikaztegietako nerabeekin aisialdia antolatzeko proiektua

2023·01·24

Ikaztegietako nerabeekin aisialdia antolatzeko proiektua

Gipuzkoako Foru Aldundiko Gazteria saila eta Ikaztegietako Udala elkarlanean ari gara joan den urria ezkero, eta urte berriarekin batera, Herri txikietako nerabeen sustapenerako hezitzaile taldea kontratatzeko proiektu pilotua aurkeztu nahi dugu. Proiektuaren nondik norakoak azaldu, elkar ezagutu eta zalantzak argitzeko, aurkezpen bilerak antolatu ditugu. Aurkezpen bilerak, otsailaren 1ean, asteazkenean izango dira udaletxeko erabilera anitzeko gelan, gurasoei zuzendutakoa 19:00etan eta gazteei zuzendutakoa 19:45etan.

Ostiral mehea Ikaztegietan

2023·01·24

Ostiral mehea Ikaztegietan

Badira urte batzuk herriak ez dituela ospatzen hain ospetsu, ezagun eta gogoko ditugun ihauteriak. "Pako Belea" konpartsa berriak ematen digu aurten aukera berriro ere denak mahai ondoan biltzeko eta nola ez festa giro batean murgiltzeko. Ume zein heldu, atera etxean ditugun trapu koloretsu horiek eta mozorrotu gaitezen egun batez! *Afarirako txartelak salgai izango dituzue OSTATUAN, OTSAILAK 11a BITARTEAN *Arazoren bat baduzue menuarekin txartelak erosteko garaian jakinarazi eta izen-abizenak eman, jaki bereziak eskatu ahal izateko.

Euskal Azoka apirilaren 22an

2023·01·11

Euskal Azoka apirilaren 22an

Oraingoan, duela 2 urte bezala, 8.Euskal Azoka egin behar dugu apirilaren 22an. Alde batetik hau guztia lotu eta antolatu egin behar da, eta bestetik, egunean bertan ere ez da lanik faltatzen. Esku bat botako lukeen jendearen berri izatea ez zaigu gaizki etorriko. Azokaren eguna ate joka dugu eta kultur ekintzak prestatzen ere hasi beharrean gaude. Beste behin, Kultur batzordeak herritar guztioi gonbita luzatzen dizuegu, bakoitzak lagundu dezakeen moduan, parte hartzera. Ongi etorriak izango zarete ASTEARTEA 17 arratseko 17:30etan egingo den bilerara.

Urteko lehen irakurle taldearen saioak

2023·01·11

Urteko lehen irakurle taldearen saioak

Urtea hastearekin batera bueltan dira irakurle taldearen saioak: - AZKEN ETXEA Arantxa Urretabizkaia Otsailak 23, osteguna 18:30etan liburutegian Dinamizatzailea: Oihana Iguaran - BAR GLORIA Nerea Ibarzabal Apirilak 27, osteguna 18:30etan liburutegian Dinamizatzailea: Oihana Iguaran.

Errigorako saskiak

2023·01·11

Errigorako saskiak

Lehen epealdiko 15 egunak pasata, bi saski falta dira jasotzeko. Beraz, ordezko zenbakiak udaletxetik pasa zaitezkete saria jasotzera. (078 eta 062 zenbakiak) Bigarren epealdia pasa eta jaso gabe baleude berriz zozketatuko genituzke.

Desfibrilagailu bakarra udalerrian

2023·01·11

Desfibrilagailu bakarra udalerrian

Udaletxe zaharraren sarrerako desfibrilagailua bateri baxuarekin dago eta kendu egingo da, beraz, berria jarri dela jakinarazi bitartean kiroldegiko goiko sarreran dagoena bakarrik izango da herrian. Berria eskatuta dugu baina txip arazoak direla medio stock arazoekin daude eta denboratxo bat pasako da berria izan arte.

Gabonetako saskien zenbakiak

2022·12·23

Gabonetako saskien zenbakiak

Udalak herritarren artean Errigorako lau saski banatuko ditu. Zozketa abenduaren 23an egin da Herri Eskolan eta zenbaki sarituak honako hauek izan dira: 196 (ordezko zenbakia: 139) , 171 (ordezko zenbakia: 160), 169 (ordezko zenbakia: 078) eta 092 (ordezko zenbakia: 062). Zenbaki saritua duten herritarrak Udaletxetik pasatu beharko dira saskiaren bila. 15 egun pasa ondoren saskien bila pasatu ez badira, ordezko zenbakiak hartuko dira kontutan.

Zabor bilketan aldaketa Eguberrietan

2022·12·20

Zabor bilketan aldaketa Eguberrietan

Abenduak 24 eta 31n ez da errefuxaren bilketarik egingo. Abenduak 25 eta urtarrilaren batean, bi frakzio jasoko dira, organikoa eta errefuxa.

Gazte lokalaren irekiera

2022·12·20

Gazte lokalaren irekiera

Datorren hilean zehar lokala ireki nahi dugu baina horretarako zuen parte-hartzea behar dugu. Gazte lokala herriko gazteen bilgune izatea nahi dugu baina oraingoz oso jende gutxik eman du izena erabiltzaile izateko. Hortaz, gogorarazi nahi dizuegu lokala erabiliko duzuenok giltza eskatu behar duzuela udaletxean. Deitu udaletxera eta eman zuen izen-abizenak. Abenduaren 30ean arratsaldeko 17:00etan bisita bat egingo dugu; barrutik nola dagoen ikusi, zer falta den eta zer kendu nahi den erabaki eta zuen artean antolatzen hasteko. Mesedez, lokala martxan jartzeko zuen parte-hartzea behar-beharrezkoa da. Animatu eta eman izena!

Gabonetako saskiak

2022·12·20

Gabonetako saskiak

2023a ondo hasteko azken urteetan bezala Errigorako 4 saski zozketatuko ditugu herritar guztien artean. Horretarako hemen duzue egutegia zozketarako zenbakiarekin. Zozketa abenduaren 23an egingo dute eskolako umeek eta zenbaki sarituak udaleko web orrian, tabloietan eta Tolosaldeako Atarian argitaratuko dira. 8 zenbaki aterako dira, 4 saridun eta 4 ordezko. Zenbaki sarituek 15 eguneko epea izango dute saria jasotzeko, epe hau pasata agertzen ez bada ordezko zenbakiarentzat izango da saria. Zorte on eta urte berri oparoa opa dizuegu!!!

2022·12·13

"Basoko paseoak" ipuin kontaketa

Noiz: Abenduak 16, ostirala 17:30tan Non: Udal liburutegian Norentzat: 4 urtetik aurrera (helduen laguntzarekin)