2023·03·27
Ikaztegietako udalak 2023ko udaran udaleku irekiak martxan jartzeko asmoa du 2011-2020 urteen artean jaiotako haurrentzat. Ekainaren 22an hasi eta uztailaren 28a bitarte iraungo du. Ordutegia 9:00etatik 13:00etara izango da eta aurreko urteetan bezala 60€ umeko kostua izango du. Interesa baduzue jakinarazi apirilaren 29a bitarte udaletxean edo 943653329 zenbakian.
2023·03·27
Errigorako produktuak eskatzeko garaia
Aurten ere iritsi da Errigorako produktuak eskatzeko garaia. Errigora Euskal Herria eta auzolana oinarri dituen ekimen herritarra da. Nafarroa hegoalde eta erdialdea du ardatz eta euskara ofiziala ez den zonaldean eragin nahi du, eremu horretakoak diren elikagaiei Euskal Herrian bidea emanaz. Eskaerak martxoaren 29ra bitartean egin daitezke eta Ikaztegietako Ostatuan jaso ahal izango dituzue.
2023·03·16
Ikaztegietako bake epaile lanak 4 urteko agintaldia du eta bere epealdia amaitzear dago. Lan hori egiteko interesa baduzu izena eman udaletxean apirilaren 14a bitarte.
2023·03·16
1936-1945 Gerra Zibila eta Lehen Frankismoa
Ohar honen bidez, jakinarazi nahi dizuegu Gerra Zibilean eta Lehen Frankismo garaian Ikaztegietan izandako errepresio eta giza eskubideen urraketak ikertuko dituen lan ildo bat jarri dugula martxan, Aranzadi Zientzia Elkartearen laguntzarekin. Gure asmoak azaltzeko eta ikerketaren inguruko argibideak emateko, martxoaren 21ean, arratsaldeko 18:30etan, prentsa eta herritarrei zuzenduriko agerraldi irekia antolatu dugu, udaletxe azpiko aretoan.
2023·02·02
Dei egiten dizuegu herritar orori festa hauen antolaketan esku bat botatzeko, guztien artean denon gustuko ekintzez osaturiko egitarau bat prestatzea baita helburua. Animatu hau aurrera eraman eta ideiak biltzeko, OTSAILAK 7 asteartea, 17:30tan, udaletxean egingo den bilerara.
2023·02·02
Azken urteetako ohiturari jarraituz, 2 urtez behin egin ohi den Euskal Azoka antolatzen gabiltza. APIRILAREN 22an izango da, egun guztiko egitarau bat osatzen ari gara eta aurrerago emango zaizue egitarauaren berri.
2023·02·02
Eguberrietan zozketatu ziren Errigorako 4 saskietako bat jaso gabe geratu da eta berriz egin dugu zozketa.
2023·01·26
Eragin Linguistikoaren Ebaluazioa arautuko duen Udal Ordenantzaren galdeketa publikoa
Urriaren 1eko 39/2015 Legearen 133.1. artikuluan xedatu denaren arabera ERAGIN LINGUISTIKOAREN EBALUAZIOA arautzen duen UDAL ORDENANTZAren galdeketa publikora bideratzen dugu gure web-atariaren bidez, bertan jasotzeko Ordenantzak zein norbanakorengan eta erakunde adierazgarritan eragina izan dezakeen eta norbanako nahiz erakunde adierazgarri horien iritzia, Otsailaren 1etik otsailaren 28ra.
2023·01·24
Ikaztegietako nerabeekin aisialdia antolatzeko proiektua
Gipuzkoako Foru Aldundiko Gazteria saila eta Ikaztegietako Udala elkarlanean ari gara joan den urria ezkero, eta urte berriarekin batera, Herri txikietako nerabeen sustapenerako hezitzaile taldea kontratatzeko proiektu pilotua aurkeztu nahi dugu. Proiektuaren nondik norakoak azaldu, elkar ezagutu eta zalantzak argitzeko, aurkezpen bilerak antolatu ditugu. Aurkezpen bilerak, otsailaren 1ean, asteazkenean izango dira udaletxeko erabilera anitzeko gelan, gurasoei zuzendutakoa 19:00etan eta gazteei zuzendutakoa 19:45etan.
2023·01·24
Badira urte batzuk herriak ez dituela ospatzen hain ospetsu, ezagun eta gogoko ditugun ihauteriak. "Pako Belea" konpartsa berriak ematen digu aurten aukera berriro ere denak mahai ondoan biltzeko eta nola ez festa giro batean murgiltzeko. Ume zein heldu, atera etxean ditugun trapu koloretsu horiek eta mozorrotu gaitezen egun batez! *Afarirako txartelak salgai izango dituzue OSTATUAN, OTSAILAK 11a BITARTEAN *Arazoren bat baduzue menuarekin txartelak erosteko garaian jakinarazi eta izen-abizenak eman, jaki bereziak eskatu ahal izateko.
2023·01·11
Oraingoan, duela 2 urte bezala, 8.Euskal Azoka egin behar dugu apirilaren 22an. Alde batetik hau guztia lotu eta antolatu egin behar da, eta bestetik, egunean bertan ere ez da lanik faltatzen. Esku bat botako lukeen jendearen berri izatea ez zaigu gaizki etorriko. Azokaren eguna ate joka dugu eta kultur ekintzak prestatzen ere hasi beharrean gaude. Beste behin, Kultur batzordeak herritar guztioi gonbita luzatzen dizuegu, bakoitzak lagundu dezakeen moduan, parte hartzera. Ongi etorriak izango zarete ASTEARTEA 17 arratseko 17:30etan egingo den bilerara.
2023·01·11
Urteko lehen irakurle taldearen saioak
Urtea hastearekin batera bueltan dira irakurle taldearen saioak: - AZKEN ETXEA Arantxa Urretabizkaia Otsailak 23, osteguna 18:30etan liburutegian Dinamizatzailea: Oihana Iguaran - BAR GLORIA Nerea Ibarzabal Apirilak 27, osteguna 18:30etan liburutegian Dinamizatzailea: Oihana Iguaran.