Publicador de contenidos

MARTXOAK 8 - Emakumeen Nazioarteko Eguna

01·03·2021

MARTXOAK 8 - Emakumeen Nazioarteko Eguna

Euskal Herriko Mugimendu Feministaren deialdiarekin bat eginez, elkarretaratze zaratatsua egingo dugu herrian. Martxoak 8, astelehena 18:00tan plazan. Ekarri norberak bere kazuela, zartari, txistu…!!! DENA ALDATU SISTEMA ARRAKALATU! *Covid19 dela eta ezarritako neurriak errespetatu behar dira

Euskal Azoka

01·03·2021

Euskal Azoka

Apirilaren 25erako azoka egun polit bat antolatzeko ahaleginean gabiltza kultura batzordeko kideak, aurreko urtean egoerak behartuta ezin izan baikenuen azoka burutu. Herritarrak beraien produktuak saltzeko postua jartzera animatzen zaituztegu. Horretarako nahi duenak udaletxean izena eman eta zehaztu dezala zer eskainiko duen. Izena emateko azken eguna martxoak 12

Hegazti gripea

17·02·2021

Hegazti gripea

Gipuzkoako Foru Aldunditik Hegazti Influentza Oso Patogenoaren (Gripe aviar) gaitzaren hedapenaren inguruko jakinarazpen bat bidali digute. Gaitz honen hedapena ekidin eta kontrolatuta eduki ahal izateko, etxean autokontsumorako hegaztiak dituzuenok, ez daudenez erregistratuta, Foru Aldundiarekin harremanetan jarri behar duzue zuen hegaztien erregistroa egiteko. Horretarako, eskualdeko nekazaritza bulegoan hitzordua eskatu beharko duzue, erregistroa egitera bertaratzeko.

Irakurle taldea

17·02·2021

Irakurle taldea

Irakurle taldearen hurrengo saioa martxoaren 23an izango da. Landuko den liburua Katixa Agirreren Amek ez dute izango da. Eguna gerturatu ahala luzatuko da izena emateko deialdia.

17·02·2021

"Jabetuz" CDaren aurkezpena

Maite Eizmendi ikaztegietarrak JABETUZ  CDa aurkeztuko du. Ondoren, meditazio saioa egingo dugu.

Lanpostu eskaintza

05·01·2021

Lanpostu eskaintza

Enplegua Sustatzeko Toki-ekintzetarako 2020ko LANBIDEko kontratazioetarako laguntza bidez ez denez kontrataziorik egin, Ikaztegietako udalak balio anitzeko peoi bat kontratatzeko asmoarekin aurrera jarraitzen du eta honako hau da eskaintza. 12 hilabeteko lanaldi osoko aldi baterako kontratua izango da. Herriko lan eta instalazio publikoen mantenua eramateko, parke eta lorategien eta hiri altzarien mantenua, kale garbiketa, igeltseritza, iturgintza, arotzeria eta argiteria lan txikiak. Ezinbestekoa izango da euskara jakitea, langabezian egotea (Lanbiden ziurtatuta edo eguneratutako bizitza laborala aurkeztuz) eta gida baimena izatea. Baloratuko da aipatutako lanetan ezagutza izatea. Interesa duenak Ikaztegietako udaletxean edo Lanbiden eman beharko du izena urtarrilaren 15a bitarte.

Irakurle taldea

05·01·2021

Irakurle taldea

Irakurle taldearen bigarren saioa Noiz: Urtarrilak 19, asteartea Non: Udal liburutegian Liburua: Karmele Jaioren Aitaren etxea Izen ematea: Udaletxean

Sutarako egurra

05·01·2021

Sutarako egurra

Azken egunetan herrian egin diren podaketa lanetatik sortu den sutarako egurra hartzeko interesa duen herritarrak eman dezala izena udaletxean urtarrilak 8, ostirala, 12:00ak bitarte. Interesa duen herritar kopuruaren arabera baliteke zozketa egitea, egokitu zaionari ostiralean bertan deituko zaio.

Gabonetako saskien zenbakiak

23·12·2020

Gabonetako saskien zenbakiak

Udalak herritarren artean Errigorako lau saski banatuko ditu. Zozketa abenduaren 23an egin zuten eskolako umeek eta zenbaki sarituak honako hauek izan dira: 102 (ordezko zenbakia: 070) , 052 (ordezko zenbakia: 110), 064 (ordezko zenbakia: 010) eta 002 (ordezko zenbakia: 003). Zenbaki saritua duten herritarrak Udaletxetik pasatu beharko dira saskiaren bila. 15 egun pasa ondoren saskien bila pasatu ez badira, ordezko zenbakiak hartuko dira kontutan.

Tolosaldeko Kontsumo Bulegoaren abisua

19·11·2020

Tolosaldeko Kontsumo Bulegoaren abisua

Azken egunotan hainbat herritarrek ustez argia eta elektrizitatea merkaturatzen duen energia aholkulari baten deia jaso dute, eskaintza baten berri emanez. NANa eta kontu korronteko zenbakia eskatzen dituzte, beste datu pertsonal batzuekin batera. Honen aurrean, Tolosaldeko Kontsumo Bulegotik gogorarazten da inoiz ez direla datu horiek telefonoz eman behar. Ez behintzat norekin hitz egiten ari garen ziurtasunez jakin gabe, eta kontratatuko dugunaren aurretiazko froga idatzirik izan gabe.

Udal eraikinak normaltasunera bueltatuz

20·10·2020

Udal eraikinak normaltasunera bueltatuz

Gaurtik aurrera, udal eraikinen erabilera malgutzen hasiko gara, eta garbitasun eta higiene neurriak bete daitezen beharrezko materiala jarri dugu.

Irakurle taldea

20·10·2020

Irakurle taldea

Irakurle taldea martxan jartzera doa Ikaztegietan. Lehen saioa euskal emakume idazleen irakurketa feminista tailerra izango da. Beharrezkoa da izena ematea udaletxera deituta 943653329 zenbakian.